Бұл матч қос құраманың бір-бірінің қақпасына көп гол соғуымен есте қалды, деп хабарлайды inbusiness.kz сайты.
Алғашқы таймда командалар екі-екіден гол соғып үлгерді.
Ойынның 12-минутында Англия құрамасының капитаны Харри Кейн 11 метрлік айып добын қақпа торында тулатты. Бұл голға 36-минутта хорватиялық Мартин Батурина жауап қайтара алды.
Ал 42-минутында Кейн дубль жасаса, 45-минутта хорватиялық Летар Муса да мергендігімен танылды.
Екінші таймды англиялықтар белсенді бастады. Ұрымтал тұста Джуд Беллингем соққан гол Англияны есепте алға шығарса, 85-минутта Маркус Рэшфорд таблодағы көрсеткішті ұлғайта түсті. Қорытынды есеп – 4:2. Осылайша, Англия әлем біріншілігін сәтті бастады деуге негіз бар.
Бұған дейін мундиалға 40 жастан асқан бірнеше футболшы қатысып жатқанын жазған едік.
