Әзербайжанның Баку қаласында өтіп жатқан күрес түрлерінен U17 әлем чемпионатында Қазақстан құрамасы грек-рим күресінен үш медаль иеленді, деп хабарлайды inbusiness.kz сайты.
71 келіге дейінгі салмақта белдескен Әлинұр Төлеуғали қола жүлде үшін өткен кездесуде Иран балуаны Эсмаил Захердоустты жеңіп, жеңіс тұғырының үшінші сатысына көтерілді.
Осылайша, Қазақстанның грек-рим күресінен жасөспірімдер арасындағы әлем чемпионатындағы қоржынына бір алтын, бір күміс және бір қола медаль түсті.
Бұған дейін Дияр Аманәлі 55 келіге дейінгі салмақта алтын медаль жеңіп алса, Әли Алмас 48 келіге дейінгі салмақта күміс жүлдеге ие болған еді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
