Партия төрағасы Ерлан Қошанов президенттікке үміткер ретінде Мемлекет Басшысы Қасым-Жомарт Тоқаевты ұсынатынын мәлімдеді, деп жазады inbusiness.kz.
– Елімізді, халқымызды басқару үшін халық сенетін үміткер қажет. Біздің Президент көптеген сындардан өтіп, еліміз Қасым-Жомарт Тоқаевтың басшылығымен дамып отыр. Ол бар жауапкершілікті түсіне отырып, елдегі әл-ауқатты сақтауда қолдан келгеннің бәрін жасап келеді. Ең қиын кезеңде елдікті сақтауға және барлығын біріктіруге көмектескен осындай көшбасшымыздың болғаны маңызды. Барлық реформаның басты нәтижесі – бірлік. Барлық жоспарымызды жүзеге асыру үшін үміткерді – біздің президентті қолдауларыңызды сұраймын, – деді Ерлан Қошанов.
Айта кету керек, Қазақстан Халық партиясының төрағасы Ермұхамет Ертісбаев та президенттікке үміткер ретінде Қасым-Жомарт Тоқаевтың кандидатурасын ұсынған болатын.
Елімізде кезектен тыс президент сайлауы 20 қарашада өтеді. Үміткерлерді ұсыну 23 қыркүйекте басталып, 11 қазанға дейін жалғасады.
