Спортшы әлем чемпионатында 5-орын алды, деп хабарлайды inbusiness.kz сайты.
Қазақстан құрамасының өкілі Әсем Орынбай Қатардың Доха қаласында өтіп жатқан стенд атудан үздік нәтиже көрсетті. Бұл – Қазақстан қоржынына салынған алғашқы Олимпиада жолдамасы.
Шешуші кезеңде қазақстандық спортшы 24 нысананың 20-сын дәл көздеп, қорытынды есепте бесінші орынға тұрақтады.
1-орын: Yiting Jiang (Қытай) – 34 нысана;
2-орын: Che Yufei (Қытай) – 32 нысана;
3-орын: Monika Stibrava (Словакия).
Жаза кетейік, Әсем Орынбай – стенд атудан Қазақстан құрамасының көшбасшыларының бірі. Оның еншісінде 2023 жылы Ханчжоуда өткен Азия ойындарының алтын медалі, сондай-ақ 2022 жылы Осиек қаласында өткен әлем чемпионатында командалық микст сайысында жеңіп алған қола жүлдесі бар.
Дохадағы нысана көздеу және стенд атудан әлем чемпионаты 14 қарашаға дейін жалғасады.
