Астанада Спорт күніне орай 8 тамызда жаппай велошеру ұйымдастырылады, деп хабарлайды inbusiness.kz сайты.
Іс-шара "Заң мен тәртіп" қағидаты аясында өткізіліп, салауатты өмір салтын насихаттауға және бұқаралық спортты дамытуға бағытталған.
Велошеруге қатысу үшін онлайн тіркеу 5 тамыз күні сағат 09:00-де басталады. Өтінімдер reg.elordasport.kz сайтында 700 адамдық лимит толғанға дейін қабылданады.
Велошеру 8 тамыз күні сағат 09:00-де "Астана орманы" жасыл белдеуі аумағында басталады. Қатысушылар Қосшы – Үркер бағыты бойынша 21 шақырым қашықтықты жүріп өтеді.
Тіркелген қатысушыларға лотерея билеттері іс-шара өтетін жерде сағат 07:00-ден 08:30-ға дейін таратылады.
Шара соңында қатысушылар арасында 10 велосипед ойнатылады.
Велошеру Астана қаласы әкімдігінің, қалалық Дене шынықтыру және спорт басқармасының және Спорттық-бұқаралық іс-шараларды өткізу дирекциясының қолдауымен өтеді.
