Қазақстанның ерлер құрамасы топтық кезеңді сәтті аяқтады, деп жазады inbusiness.kz сайты.
Кирилл Герасименко, Алан Құрманғалиев, Айдос Кенжигулов, Санжар Жұбанов және Искендер Харкиден құралған команда Бангладешті 3:0, Сингапурды 3:1 және Лаосты 3:1 есебімен жеңіп, өз тобында 1-орын иеленді.
Енді қазақстандық спортшылар ширек финалға шығу үшін Бахрейн құрамасымен кездеседі.
Қазақстанның әйелдер құрамасы топтық кезеңде Корея құрамасына 0:3 есебімен есе жіберіп, Мальдив құрамасын 3:1 есебімен жеңді. Зауреш Акашева, Сарвиноз Миркадирова, Жанерке Қошқұмбаева, Альбина Жақсылықова және Ангелина Романовскаядан құралған команда топта 2-орын алды.
Енді қазақстандық спортшылар ширек финал жолдамасы үшін Өзбекстан құрамасымен кездеседі. Матч жеңімпазы жарыстың ширек финалына жолдама алады.
