"Көктердің" басшылығы 2026/27 маусымында шабуылшыға тұрақты ойын тәжірибесін беру үшін оны жалға жіберуді көздеп отыр, деп жазады inbusiness.kz сайты.
2025/26 маусымының қорытындысы бойынша "Халл Сити" Чемпионшип плей-офф финалында "Мидлсброны" 1:0 есебімен жеңіп, АПЛ-ға жолдама алды.
Маусымалды Sydney Super Cup турнирі аясында Сәтпаев "Уэстерн Сидней Уондерерске" қарсы кездесуде (6:4) өз алаңынан жеке өтіп, "Челси" сапындағы алғашқы голын соқты. Бұл соққы австралиялық турнирдің үздік голы деп танылды және ол Хаби Алонсоның басшылығымен лондондықтар соққан алғашқы гол болды.
Бұдан бөлек, Сәтпаев "Тоттенхэм" (1:2) мен туриндық "Ювентуске" (0:1) қарсы ойындарда да алаңға шықты.
Қазақстандық форвард 12 тамызда 18 жасқа толып, кәмелет жасына жетіп лондондықтардың толыққанды ойыншысы атанады.
