Тұтқындар ел астанасы Санадағы БҰҰ-ның тағы бір нысанына жасалған рейді кезінде ұсталды, деп хабарлайды inbusiness.kz сайты DW-ға сілтеме жасап.
– Бір күн бұрын хуситтер Сананың басқа ауданындағы БҰҰ мекемесіне шабуыл жасады, – деді Алам.
Баспасөз хатшысының айтуынша, ұсталғандар арасында 5 йемендік және 15 шетелдік қызметкер бар. Сол күні жауап алудан кейін көтерілісшілер БҰҰ-ның 11 қызметкерін босатқан. Қалған тұтқындар туралы мәлімет жоқ.
Жан Аламның айтуынша, БҰҰ осы қиын жағдайды мүмкіндігінше тезірек шешу, барлық қызметкерлерді тұтқындауды тоқтату және Санадағы нысандарын толық бақылауды қалпына келтіру үшін хуситтермен және басқа тараптармен байланыс орнатқан.
БҰҰ-ның тағы бір қызметкері бүлікшілер мекемедегі телефон, сервер, компьютер және басқа да барлық байланыс құралдарын тәркілегенін айтты.
Ұсталғандар БҰҰ-ның Дүниежүзілік азық-түлік бағдарламасы, Балалар қоры (ЮНИСЕФ) және гуманитарлық мәселелерді үйлестіру кеңсесінің қызметкерлері.
Associated Press агенттігінің хабарлауынша, йемендік хуситтер 2025 жылдың басынан бері өз бақылауындағы аудандарында, соның ішінде Санада, жағалаудағы Ходейда қаласында және елдің солтүстігіндегі Садаа провинциясындағы топтың бекінісінде жұмыс істейтін БҰҰ мен басқа да халықаралық ұйымдарға қарсы науқанды бастады.
Хуситтер бірнеше рет дәлелсіз ұсталған БҰҰ қызметкерлері, басқа халықаралық ұйымдармен және шетелдік елшіліктермен жұмыс істейтін тұлғаларды тыңшылар деп мәлімдеді. Біріккен Ұлттар Ұйымы бұл айыптауларды үзілді-кесілді жоққа шығарды.
"Ансар Аллах" қарулы бүлікшілер тобының мүшелері болып табылатын хуситтер қазір Йеменнің басым бөлігін, оның ішінде астанасы Сана қаласын, сондай-ақ елдің солтүстік және батыс бөліктерін бақылауда ұстап отыр.
