Ведомствоның мәліметінше, педагогтерді тұрғын үймен қамтамасыз ету процесі ұдайы жалғасып келеді, деп хабарлайды inbusiness.kz сайты.
– Білім басқармаларының ақпаратынша, елімізде 2025 жылы 277 педагог мемлекет тарапынан тегін тұрғын үймен (оның арасында 185-і – қалалық, 92-сі – ауылдық жерде), 184 педагог қызметтік тұрғын үймен қамтылды, ал 1025 педагог жатақханаларға орналастырылды, – деп жазады министрліктің баспасөз қызметі.
Сондай-ақ, 212 педагогке тұрғын үй құрылысы үшін тегін жер телімдері берілген.
– Тұрғын үйді жалға алуға 501 педагогке жағдай жасалған. Коммуналдық қызметтерге өтемақымен қамтылған (ауылдық жерлерде отынмен, сумен, көмірмен) педагогтер саны – 138 071 (оның арасында 137 773 педагог – ауылдық жерде, 298-і – қалалық жерде), – деп нақтылады Оқу-ағарту министрлігі.
Бұған дейін inbusiness.kz сайты "Қаңтарда көп қазақстандық қоныстой тойлай алмады" деген тақырыпта мақала жазған еді.
