Ол Қазақстан футболы тарихындағы үздік ойыншыларға тоқталды, деп хабарлайды inbusiness.kz сайты.
Қазір бапкерлік жолда жүрген экс-футболшы Қазақстан чемпионатындағы ең мықты ойыншылар туралы сұраққа жауап берді.
"Тимур Сегізбаев, Құралбек Ордабаев, Сейілда Байшақов", – дейді С. Смақов.
Еске салайық, Тимур Сегізбаев мансабын "Қайрат" футбол клубы сапында өткізген. Жартылай қорғаушы ретінде спортшы 1958-1970 жылдары алматылық командада 212 ойынға қатысып, 19 гол салды.
Ал Құралбек Ордабаев 10 жыл бойы (1972-1982) "Қайраттың" қақпасын қызғыштай қорғады. Алматылық команада 254 кездесу өткізген. Кейіннен Шымкенттің "Металлург" және "Мелиоратор" командаларында да төбе көрсетті.
Сейілда Байшақов та "Қайратта" 10 жыл (1971-1981) доп тепті. 296 ойында 11 голды өз атына жазды.
Сондай-ақ, ол Жамбылдың "Энергетик" клубында да тер төкті.
