Елена Рыбакина Аустралия ашық чемпионатының 1/8 финалында сәтті өнер көрсетті.
Турнирдің төртінші айналымында Рыбакинаның қарсыласы – Бельгия өкілі Элизе Мертенс болды. Нәтижесінде, қазақстандық теннисші екі сетте сенімді жеңіске жетті – 6:1, 6:3. Кездесу 1 сағат 17 минутқа созылды.
Осылайша, Елена Рыбакина Australian Open-2026 турнирінің ширек финалына жолдама алды. Бұл кезеңде ол Польша теннисшісі Ига Швентекпен кездеседі. Матч 26 қаңтарда өтеді.
Айта кетейік, биыл Аустралиядағы "Үлкен дулыға" турнирінің жеңімпазы 2 793 365 АҚШ долларын және 2000 рейтингтік ұпай алады. Ал 1/4 финалдық кезеңге дейін жеткені үшін Елена Рыбакина кемінде 750 000 аустралиялық доллар (шамамен 256,5 миллион теңге) табыс тапты.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
