Қытайдың Нинбо қаласында өтіп жатқан WTA 500 турнирінде қазақстандық теннисші (WTA №9) Елена Рыбакина жартылай финалда италиялық Жасмин Паолиниді (WTA №8) 6:3, 6:2 есебімен сенімді түрде жеңді.
Бұған дейін қарсыластар бес рет кортта кездесіп, олардың үшеуінде жеңісті Паолини еншілеген еді. Алайда бұл жолы басымдық Елена Рыбакина жағында болды.
Бірінші партияда есеп 4:3 болған сәтте қазақстандық теннисші брейк жасап, партияны 6:3 есебімен өз пайдасына аяқтады. Екінші сетте Рыбакина ойын тізгінін толықтай бақылауда ұстап, екі рет брейк жасап, сетті 6:2 есебімен түйіндеді.
Бір жарым сағатқа жуық уақытқа созылған кездесуде Елена Рыбакина 10 эйс орындап, 10 брейк-пойнттың үшеуін сәтті жүзеге асырды. Осылайша қазақстандық спортшы сенімді ойын көрсетіп, финалға жолдама алды.
Финалда Елена Диана Шнайдер – Екатерина Александрова жұбының жеңімпазы Екатиринамен кездеседі. Матч 19 қазан күні Қазақстан уақыты бойынша 14:00-де басталады.
