Қазақстанның бірінші ракеткасы Елена Рыбакина Токиода (Жапония) өтіп жатқан WTA 500 турнирінің жартылай финалына шықты.
1/4 финалда ол канадалық Виктория Мбоконы (№23) 6:3, 7:6(4) есебімен жеңді. Бірінші сетте Елена 3:0 есебімен алға шығып, басымдықты сақтап қалды. Екінші партияда тартыс күшейіп, тай-брейкте Рыбакинаның тәжірибесі шешуші рөл атқарды. Кездесу 1 сағат 26 минутқа созылды.
Осы жеңістің арқасында Рыбакина WTA Финалдық турнирінің соңғы қатысушысы атанды. Бұл маусымдағы шешуші додада әлемнің ең үздік сегіз теннисшісі бақ сынайды. Турнир 2025 жылы 1-8 қараша аралығында Сауд Арабиясының астанасы Эр-Риядта өтеді. Жеңімпаздар шамамен 15,5 миллион АҚШ доллары шамасында сыйақы алады.
Турнир жекелей жарыс және жұптық жарыс форматы бойынша 8 қатысушы айналмалы жүйе бойынша сынға түседі.
