Еуропа лигасының қазіргі чемпионы – Англияның "Тоттенхэм" клубы. Алайда лондондық команда бұл маусымда Чемпиондар лигасында өнер көрсетіп жатыр.
Сонымен, Еуропа лигасының жалпы кезеңі аяқталып, плей-офф кезеңіне жолдама алған командалардың толық тізімі анықталды. Турнир қорытындысы бойынша сегіз клуб 1/8 финалға тікелей өтті.
Тікелей жолдама иеленген командалар: Англияның "Астон Вилла", Францияның "Лион", Германияның "Фрайбург", Данияның "Мидтьюлланн", Испанияның "Бетис", Португалияның "Порту" мен "Брага" және Италияның "Рома" клубы.
Трнир кестесінде 9-орыннан 24-орынға дейін орналасқан командалар плей-оффтың келесі кезеңіне шығу үшін өтпелі матчтар өткізеді. Бұл кезеңге "Генк", "Болонья", "Штутгарт", "Ференцварош", "Ноттингем Форест", "Виктория Пльзень", "Црвена Звезда", "Сельта", ПАОК пен "Панатинаикос", "Фенербахче", "Лилль", "Селтик", "Лудогорец", "Динамо" және "Бранн" клубтары қатысады.
Финалдық кездесулер 20 мамырда Түркияның Стамбул қаласында, "Бешикташ" стадионында өтеді.
