Швейцарияның Метменштеттен қаласында фристайл-акробатикадан жазғы Гран-при кезеңі мәресіне жетті, деп хабарлайды inbusiness.kz сайты.
Халықаралық жарысқа Қазақстан құрамасының спортшылары да қатысты.
Ерлер арасындағы бәсекеде Дінмұхаммед Райымқұлов үздік нәтиже көрсетіп, 11-орынға ие болды. Ұланбәкір Өмірзақов 13-орын, Асылхан Асан 16-орын, Роман Иванов 18-орын, Шерзод Хаширбаев 19-орын, Владимир Ким 26-орын алды.
Әйелдер арасында Қазақстан намысын қорғаған Аделина Өмірзақова 20-орынға тұрақтады.
Метменштеттендегі кезең спортшылар үшін халықаралық аренадағы шеберлігін шыңдап, алдағы жарыстарға дайындықты пысықтауға мүмкіндік берді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
