Финалдық кездесуде АҚШ командасы Канада құрамасын овертаймда 2:1 есебімен тізе бүктірді.
Бірінші кезеңде АҚШ минималды есеппен алға шықты. Гол авторы – Мэтт Болди. Екінші 20 минуттықта канадалықтар сапынан Кейл Макар есепті теңестірді. Үшінші кезең голсыз өтті. Сондықтан алтын медаль тағдыры овертаймда, 3х3 форматында шешілді.
Овертаймда АҚШ командасы сапынан алтын шайбаны 2-минутта Джек Хьюз салды.
Қола медальді Финляндия жеңіп алды. Олар 3-орын үшін өткен ойында Словакияны 6:1 есебімен жеңді.
Айта кетейік, АҚШ пен Канада әйелдер хоккей финалында да кездесіп, америкалық хоккейші қыздар овертаймда 2:1 есебімен жеңіске жеткен еді.
Ерлер хоккейінің финалы 2026 жылғы қысқы Олимпиаданың соңғы жарысы болды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
