Онда Дональд Трамп АҚШ пен Израильдің Иранға қарсы әскери операциясы алға қойған мақсаттарға жеткенше жалғасатынын айтқан, деп хабарлайды inbusiness.kz сайты.
– Біз жұмыс аяқталмайынша кетпейміз. Бұл өте жылдам болады, – деді ол.
Америка көшбасшысы соңғы 11 күнде АҚШ күштері "Иранды іс жүзінде жойды" деп мәлім етті. Сонымен қатар, Иранда енді радарлар мен әуе қорғанысы жоқ екенін жеткізді.
Трамп Тегеран ұшырған зымыран мен дрондардың саны қақтығыстың алғашқы күндерімен салыстырғанда 85-90%-ға қысқарғанына да тоқталды. Мұнан өзге, Иран әскери-теңіз күштерінің 58 кемесі жойылғаны сөз болған.
Әскери сарапшылар да әрдайым "АҚШ пен Израильдің Иранға қарсы операциясы қандай жағдайда аяқталуы мүмкін?" деген сұраққа жауап іздеп келеді.
Еске салайық, бұған дейін Дональд Трамп Иранға қарсы соққылардың қарқынын күшейтетінін ескерткен еді.
– Егер Иран Ормуз бұғазындағы мұнай ағынын тоқтататын кез келген шара қолданса, АҚШ оған бұрынғыдан 20 есе қатты соққы береді, – деп қорқытты ол.
