Ислам ынтымақтастығы ойындарында жалпы командалық есепте құрамамыз әзірге – 4-орында.
Жүзуден Қазақстан әйелдер құрамасының өкілі Софья Сподаренко Эр-Риядта (Сауд Арабиясы) өтіп жатқан Ислам ынтымақтастығы ойындарында топ жарды.
Қазақстандық суда жүзуші 100 метрге баттерфляй әдісімен жүзуде үздік шықты. Ол қашықтықты 1:01.66 уақытта жүзіп өтті.
Түркия өкілі Дефне Таниг 2-орынға ие болды – 1:02.05. Ал оның отандасы Сехер Кая үздік үштікті түйіндеді – 1:02.42.
Әділбек Мусин дәл осы қашықтықта ерлер арасында күміс медаль иегері атанды. Ал алтынды өзбекстандық Эльдорбек Усмонов жеңіп алды.
Қазақстанның ерлер командасы да күміс жүлдеге қол жеткізді. Эстафетаның 4×100 метр еркін жүзу түрінде Әділбек Мусин, Ғалымжан Балабек, Айбат Мырзамұратов және Глеб Коваленя 2-орынды иеленді.
Бұл сайыста Түркия жеңімпаз атанса, Өзбекстан 3-орынға ие болды.
