Алматылық ұжым Громыкомен келісімшарт мерзімінің аяқталуына байланысты қоштасып отыр, деп хабарлайды inbusiness.kz сайты.
Футболшы "Қайрат" клубына 2024 жылдың жазында қызылордалық "Қайсардан" ауысып келген еді. Ол алматылық клубтың Қазақстан чемпионы болуына ықпал етті.
Громыко үшін маусым жақсы басталған болатын. Ол Қазақстан Суперкубогында "Ақтөбеге" қарсы ойында гол соғып, нәтижелі пас та берді. Чемпионатта Валерий команданың негізгі ойыншысы саналды, үнемі нәтиже көрсетті. Ол "Қайраттың" UEFA Чемпиондар лигасының финалына дейін жетуіне де өз үлесін қосты.
Валерий Громыко "Қайрат" командасымен бір жарым жыл аралығында 57 кездесу өткізіп, 7 гол соқты және 15 нәтижелі пас берді.
Бұған дейін "Қайраттың" жұлдызды қақпашылары Темірлан Анарбеков пен Шерхан Қалмырзаның жаңа келісімшарт жасағанын жазған едік.
