Қарағандылық "Шахтер" Бірінші лига маусымының аяқталуына алты тур қалғанда Қазақстан Премьер-лигасына жолдама алды, деп хабарлайды inbusiness.kz сайты.
ХХ турда қарағандылықтар сырт алаңда семейлік "Елімай-М" командасын 3:0 есебімен сенімді жеңді. Кездесуде Андрей Ульшин 37-минутта есеп ашса, Нұрхан Қағазбаев 45-минутта басымдықты арттырды.
Ал 70-минутта Артем Литош матчтың нүктесін қойды. Осы жеңістен кейін "Шахтер" 55 ұпай жинап, турнир кестесіндегі көшбасшылығын нығайтты. Команда 20 матчтың 18-інде жеңіске жетіп, бір рет тең ойнаған және бір кездесуде жеңілген.
Бірінші лиганың қорытындысы бойынша екі команда Премьер-лигаға көтеріледі.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
