2025 жылдың 29 қарашасында Каспий құбыр консорциумы (КҚК) Теңіз терминалына жасалған шабуыл салдарынан жүргізушісіз қайықтардың соққысынан КҚК-ның ВПУ-2 айлақтық құрылғысы айтарлықтай зақымданды, деп хабарлайды inbusiness.kz сайты.
Жүк тиеу және өзге де жұмыстар дереу тоқтатылып, танкерлер КҚК акваториясынан тыс аумаққа шығарылды.
"Жарылыс кезінде авариялық қорғаныс жүйелері тиісті құбыр желілерін автоматты түрде оқшаулап, тоқтатып үлгерді. Алдын ала мәлімет бойынша, мұнай Қара теңізге төгілген жоқ. Қазіргі уақытта теңіз суынан сынамалар алынып, экологиялық мониторинг жүргізіліп жатыр", – делінген хабарламада.
ВПУ-2 құрылғысын әрі қарай пайдалану мүмкін емес. Терминалдағы жүктеулер тек экипажсыз катерлер мен дрондардан төнетін қауіп толық жойылғаннан кейін, бекітілген тәртіпке сәйкес қайта басталады.
