Осылайша, ұлттық құрама бұл жарыста қатарынан екінші рет 2-орынға тұрақтады, деп жазады inbusiness.kz сайты.
Биылғы Шахмат олимпиадасы 16-27 қыркүйек аралығында Өзбекстанның Самарқанд қаласында өтті. Ерлер мен әйелдер арасындағы бәсекеге 400-ге жуық команда қатысып, рекордтық көрсеткіш тіркелді.
Турнирдің шешуші, 11-туры аясында Қазақстан құрамасы Польша шахматшыларымен кездесті. Елназ Қалихмет жеңіске жетсе, Бибісара Асаубаева мен Меруерт Қамалиденова партияларын тең аяқтады. Ал Алуа Нұрман қарсыласына есе жіберді. Нәтижесінде кездесу 2:2 есебімен аяқталды.
Осылайша, Қазақстан құрамасы 18 ұпай жинап, 189 әйелдер командасы арасында 2-орынға ие болды. Қытай құрамасы алтын медаль жеңіп алса, Үндістан үшінші сатыға тұрақтады.
Айта кетейік, Қазақстан әйелдер құрамасы биылғы Олимпиаданы бірде-бір командалық жеңіліссіз аяқтады. Ұлттық құрама 7 кездесуде жеңіске жетіп, 4 матчта тең түсті.
