Өзбекстанның Ташкент қаласында ауыр атлетикадан жасөспірімдер мен жас жеткіншектер арасындағы Азия чемпионаты өтіп жатыр, деп хабарлайды inbusiness.kz сайты.
Қазақстан құрамасы жарыстың кезекті күнінде қоржынға үш медаль қосты.
Нұржан Жұмабай жас жеткіншектер арасында 95 келіге дейінгі салмақта топ жарды. Ол қоссайыста 354 (159+195) келі көтеріп, алтын медаль иеленді.
Осы салмақта жасөспірімдер арасында өнер көрсеткен Әлихан Әскербай 361 (163+198) келі нәтижесімен үшінші орын алды.
Ал жас жеткіншектер арасында 77 келіден жоғары салмақта Софья Шешукова 232 (100+132) келіні бағындырып, қола жүлдеге ие болды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
