Ауқымды жарыс елордадағы Жақсылық Үшкемпіров атындағы Жекпе-жек сарайында өтеді. Қазақстандық боксшылар өз жорығын бүгін бастайды. Бағдарламаның алғашқы жекпе-жегінде 70 келі салмақ дәрежесіндегі тәжірибелі Абылайхан Жүсіпов шаршы алаңға шығады.
Күндізгі сессия сағат 14:00-де, кешкі сессия 19:00-де басталады.
50 келі. 9 боксшы. 1/4 финал
Санжар Тәшкенбай (2023 жылғы әлем чемпионы) – Кото Шудай (Жапония)
55 келі. 14 боксшы. 1/4 финал
Сабырхан Махмұд (2023 жылғы әлем чемпионы) – Шин Жаенг (Корея Республикасы)
60 келі. 17 боксшы. 1/8 финал
Серік Теміржанов (2021 жылғы әлем чемпионатының күміс жүлдегері) – Якоб Кассар (Жаңа Зеландия, 19 жасқа дейінгі әлем чемпионатының қола жүлдегері)
65 келі. 19 боксшы. 1/8 финал
Ертуған Зейнуллинов (2023 жылғы Азия ойындарының қола жүлдегері) – Ахмет Пекел (Түркия)
70 келі. 15 боксшы
Абылайхан Жүсіпов (үш дүркін әлем чемпионатының қола жүлдегері) – Алмаз Орозбеков (Қырғызстан, 22 жасқа дейінгі Азия чемпионатының финалисі)
75 келі. 9 боксшы
Сабыржан Аққалықов – Джошуа Офори (Канада)
80 келі. 15 боксшы. 1/8 финал
Нұрбек Оралбай (әлем чемпионы, Париж Олимпиадасының күміс жүлдегері) – Мурад Аллахвердиев (Әзербайжан)
Екі боксшы бұған дейін Париж Олимпиадасының ширек финалында кездескен.
85 келі. 6 боксшы. 1/4 финал
Бекзат Нұрдәулетов (2019 жылғы әлем чемпионы) – Лачлан Лаусон (Жаңа Зеландия)
90 келі. 10 боксшы
Сағындық Тоғамбай (Азия чемпионы)
Ширек финалда екі дүркін әлем чемпионатының күміс жүлдегері – Азиз Аббес Мухийдин (Италия) мен Малачи Джоржес (АҚШ) жұбының жеңімпазымен кездеседі.
+90 келі. 13 боксшы
Айбек Оралбай (екі дүркін Азия чемпионы) – Хосе Агустин Трисет (Доминикан Республикасы)
Айта кеиейік, World Boxing ұйымдастыруымен өткелі жатқан айтулы додаға 30 мемлекеттен 300-ге жуық спортшы өзара мықтыны анықтайды. Олардың қатарында Олимпиада, Әлем және Азия чемпионаттарының жеңімпаз, жүлдегер спортшылары бар.
Турнир Жақсылық Үшкемпіров атындағы жекпе-жек сарайында өтеді. Кіру тегін. Қазақстандық боксшылар өздерінің жоғары деңгейдегі шеберлігін тағы да дәлелдеуге әзір.
