Қазақстандық боксшы Әділет Тортубек Таиландтың Бангкок қаласында өтіп жатқан жастар арасындағы Азия чемпионатының жартылай финалына шықты.
60 келіге дейінгі салмақта (U-19) ширек финалда Әділет Қытай Тайбэйінен келген Ку Шен-Чимен кездесіп, алғашқы екі раундты өз пайдасына аяқтады.
Үшінші раундта қарсыласын екі рет нокдаунға түсіріп, рефери жекпе-жекті тоқтатты. Осылайша, Тортубек жартылай финалға жолдама алып, кем дегенде қола медаль алады.
Айта кетейік, биылғы жылы Әділет Тортубек Шри-Ланкада мамыр айында өткен IBA және ASBC ұйымдастырған 19 және 22 жасқа дейінгі Азия чемпионатында алтын медаль жеңіп алған болатын.
Бүгінгі жарыс бағдарламасында қазақстандық боксшылардың қатысуымен өтетін жекпе-жектер:
Күндізгі сессия
70 кг. Ерлер. 1/4 финал — Бейбарыс Аширбай vs Баттумур Ньям-Очир (Моңғолия)
Кешкі сессия 15:00-де басталады
75 кг. Ерлер. 1/4 финал — Нұрсұлтан Шілдебай - Сангпак Такла (Тайланд)
80 кг. Ерлер. 1/4 финал — Тимур Тайбеков vs Сапаргелді Нұрыягдиев (Түрікменстан)
85 кг. Ерлер. 1/4 финал — Нұрсұлтан Қыстаубай vs Азірет Автандилов (Қырғызстан). №11 жұп
90 кг. Ерлер. 1/4 финал — Расул Асанханов vs Арвин Шахбаейкутонаи (Иран)
