Қытайдың Гуйчжоу провинциясында өтіп жатқан Азия чемпионатында Қазақстанның маунтинбайк құрамасы күміс медаль жеңіп алды.
Командамыз эстафетада сынға түсіп, Богдан Лухманов, Виолетта Казакова, Алексей Фефелов, Денис Сергиенко, Юлия Ли және Алина Карасева ел намысын қорғады.
Ұлттық құрама жарысты олимпиадалық емес бағдарламадағы эстафетадан бастады. Ал алда – басты кезең: жақын күндері спортшыларымыз олимпиадалық кросс-кантри сайысында бақ сынайды.
Азия чемпионатында әлемнің 15 елінен келген 160 спортшы сынға түсуде. Турнир 27 сәуірге дейін жалғасады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
