Бүгін Қытайда таеквондодан Әлем чемпионаты басталады. 57 келі салмақта сынға түскен қазақстандық спортшы Мария Севостьянова алғашқы екі қарсыласын – габондық Коумба Маддассаны (2:0) және венгриялық Лука Патакфалвиді (2:1) жеңді.
Енді ол Париж Олимпиадасының чемпионы, оңтүстіккореялық Ким Ю Чинмен кездеседі.
Таеквондодан әлем чемпионаты 24-30 қазан аралығында Қытайдың Уси қаласында өтуде. Биылғы жарыста 179 елден келген 991 спортшы сынға түсуде. Қазақстан құрамасы сапынан 16 таеквондошы – 8 ер және 8 әйел спортшы ел намысын қорғауда.
Естеріңізге сала кетейік, 22 қазанда өткен WT федерациясының отырысында 2027 жылғы әлем чемпионатын өткізу құқығы алғаш рет Қазақстанға берілді. Жарыс Астанада өтеді деп жоспарлануда.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
