17 жастағы қазақстандық теннисші Әмір Омарханов Тунистің Монастир қаласында өтіп жатқан ITF M15 сериялы турнирінің екінші кезеңіне жолдама алды.
1/16 финалда ол Ұлыбритания спортшысы Джереми Гшвендтнермен сынға түсіп, кездесуді 7:6 (7:5), 7:5 есебімен өз пайдасына аяқтады.
Келесі кезеңде Омарханов италиялық Микеле Рибекаймен кездеседі.
Ал Қытайдың Хучжоу қаласында өтіп жатқан ITF M 25 турнирінде Григорий Ломакин (ATP рейтингінде №977) қытайлық Чжэньсян Донгты (№1390) 6:4, 6:2 есебімен сенімді түрде жеңді. Бәсеке басында қытайлық теннисші қарсылық танытқанымен, екінші сеттегі 2:2 есебінен кейін Ломакин ойынды толық өз бақылауына алды. 1 сағат 16 минутқа созылған матч 6:4, 6:2 есебімен қазақстандық теннисшінің пайдасына аяқталды.
Келесі айналымда ол турнирдің төртінші ракеткасы, тайваньдық Куань-И Лимен кездеседі.
Сонымен қатар, жұптық сайыста Ломакин ресейлік Николай Галакпен бірге қытайлық Чен / Ван дуэтін 6:3, 6:3 есебімен ұтып, ширек финалға шықты.
20 қазан басталған жарыс 26 қазан күні мәресіне жетпек. Турнирдің жүлде қоры 30 мың АҚШ долларын құрайды.
