Сингапурде өтіп жатқан халықаралық турнирде Қазақстан құрамасының көшбасшысы Кирилл Герасименко сенімді ойын көрсетті.
1/16 финалда отандасымыз әлемнің үшінші ракеткасы, екі дүркін Әлем кубогының иегері және Азияның үш дүркін чемпионы Линь Шидунмен (Қытай) кездесті. Тәжірибелі әрі титулға бай қытайлық спортшы бұл ойында 3:0 есебімен жеңіске жетіп, 1/8 финалға жолдама алды.
Дегенмен, Кирилл Герасименко турнир бойы жоғары деңгейдегі ойын өрнегін көрсетті. Ол жалпы есепте 100 рейтингтік ұпай жинап, төрт сенімді жеңіске қол жеткізді: румыниялық Овидиу Ионескуды 3:1, швециялық Маттиас Фалькты 3:1, бельгиялық Сендрик Нюйтинкті 3:2 және англиялық Том Джарвисті 3:0 есебімен жеңді.
Бұл ұпайлар Кирилл Герасименконың әлемдік рейтингтегі орнын нығайтуға мүмкіндік берді.
