Қазақстандық футболшы Ислам Чесноков Шотландия кубогының 1/16 финалында "Фалкиркке" қарсы өткен матчта "Хартс" сапында дебют жасады. Кездесудің негізгі уақыты 1:1 есебімен аяқталды.
Қосымша уақытта да жеңімпаз анықталмай, пенальти сериясында "Фалкирк" ойыншылары 5:4 есебімен басым түсіп, турнирдің келесі кезеңіне өтті.
Чесноков алаңға 77-минутта қосалқы құрамнан шықты. Ал, 85-минутта пенальтиге себепкер болып, командасына есепті теңестіруге мүмкіндік берді. Пенальтиден Лоуренс Шенкленд дәл соққы жасады.
"Хартс" келесі кездесуін 25 қаңтарда "Селтикке" қарсы өткізеді.
Естеріңізге сала кетейік, қазақстандық ойыншы "Хартс" клубына 6 қаңтар күні "Тобылдан" еркін агент ретінде ауысып, 2028 жылдың 30 маусымына дейін келісімшартқа қол қойған болатын.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
