Шымкенттік ұжым Қазақстан Премьер-лигасының 27-туры аясында "Атырауды" 3:0 есебімен ойсырата жеңді, деп хабарлайды inbusiness.kz сайты.
Осылайша, "Ордабасы" 61 ұпай жинап, турнир кестесіндегі көшбасшылығын нығайта түсті.
"Түркістан Аренаның" басты қаһарманы Бьорн Йонсен болды деуге негіз бар. Норвегиялық шабуылшы қарсылас қақпасына жауапсыз 3 гол соғып, хет-трик авторы атанды.
Ол матчтың 20-минутында есеп ашса, ойынның екінші бөлігінде екі рет (54 және 90+2-минуттарда) мергендік танытты.
Осы жеңістен соң шымкенттік клуб екінші орында тұрған Алматының "Қайратынан" 4 ұпайға ұзап кетіп отыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
