Қазақстандық мәнерлеп сырғанаушы, Олимпиада чемпионы Михаил Шайдоров Словакияның Братислава қаласында өтетін Nepela Memorial халықаралық турниріне қатысады, деп хабарлайды inbusiness.kz сайты.
Жарыс 24-27 қыркүйек аралығында өтеді. Турнир 2026/27 жылғы маусымдағы ISU Challenger Series сериясының кезеңдерінің бірі саналады.
Шайдоров ерлер арасындағы жекелей сында бақ сынайды. Алдын ала жарияланған қатысушылар тізіміне 29 спортшы енген.
Братиславадағы бәсеке қазақстандық спортшы үшін жаңа маусымдағы алғашқы халықаралық турнир болмақ.
Михаил Шайдоров 2026 жылы Милан мен Кортина-д’Ампеццода өткен қысқы Олимпиада ойындарында жеңімпаз атанған. Ақпанда ол ерлер арасындағы жекелей сында қос бағдарламаның қорытындысы бойынша 291,58 ұпай жинап, Олимпиада чемпионы атанды.
