Матч барысында қос құраманың да жарысты одан әрі жалғастыратын мүмкіндігі болды, деп хабарлайды inbusiness.kz сайты.
Жаза кетейік, африкалық құраманың қатарында жер-жаһанның беделді клубтарында доп теуіп жүрген футболшылар көп. Сол секілді, Эрлинг Холанд бастаған Норвегия сапында да небір сайыпқырандар бар. Сондықтан, ойынның тартысты өтетініне ешкімнің күмәні жоқ еді.
Кездесудің 39-минутта норвегиялық Антонио Нуса таблодағы көрсеткішті өзгертті. Ал ойынның 74-минутында Кот-д’Ивуар сапынан Амад Диалло есепті теңестіріп кетті. Десе де, арада 10 минут өтер-өтпестен Эрлинг Холанд (86-минут) шешуші гол соғып, комадасын алға шығарды.
Осылайша, Норвегия қарсыласын 2:1 есебімен жеңіп, жарыстың келесі кезеңіне шықты.
Бұған дейін мундиалға 40 жастан асқан бірнеше футболшы қатысып жатқанын жаздық.
