Нұралы Әліп: "Даниямен ойында барымызды саламыз"

1064

Дания құрамасына қарсы ойын ертең, 26 наурызда Астана уақытымен 19:00-де басталады.

Нұралы Әліп: "Даниямен ойында барымызды саламыз"

Қазақстандықтар мен даниялықтар арасындағы ойын іріктеудің екінші кезеңі аясында өтеді. Алғашқы кездесулерде командалар екі түрлі нәтиже көрсетті. Қазақстан өз алаңында Словениядан жеңілсе (1:2), Дания өз алаңында Финляндияны жеңді (3:1).

Бүгін Қазақстан құрамасының қорғаушысы Нұралы Әліп Даниямен болатын ойын алдындағы баспасөз маслихатына қатысты.

– Дайындық жақсы, жүз пайызға дайынбыз деп айта аламын. Словенияға қарсы бірінші ойында жоспарлаған 3 ұпайға қол жеткізе алмадық, сол үшін ертеңгі Даниямен ойында барымызды саламыз.

– Ертеңгі ойынға өзіңіздің физикалық дайындығыңыз қалай?

– Қызыл қағаз алмаймын, оны нақты айта аламын. Әзербайжанмен болған ойында өзімді ұстай алмай қалдым. Ал ертеңге дайындығым жақсы, бапкер сеніп шақырғандықтан мен барымды саламын.

– Сіздің диагональ пастарыңыз бар екенін білеміз, "Зенитте" осы пастармен жұмыс істедіңіз бе? Шабуыл қорғаныстан басталатынын ескерсек, бапкерлер осы пастарыңызбен жұмыс жасады ма?

– "Зенитте" диагональ пастармен жұмыс жасадық. Иә, шабуыл қорғаныстан басталады. Өткен ойында бірінші таймда жігіттер жақсы ойнады, ертең сол сияқты жақсы ойнаймыз. Диагональ пастар болады, жалпы жақсы ойын көрсетеміз деп ойлаймын.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу