Ішкі істер министрлігі әкімшілік полиция комитеті төрағасының орынбасары Алексей Милюк осылай мәлімдеді, деп хабарлайды inbusiness.kz.
"Жалпы қылмыс құрылымында отбасылық-тұрмыстық құқық бұзушылықтың үлесі жоғары емес. Бұл көрсеткіш 0,7%-ды құрайды. Алайда тұрмыстық зорлық-зомбылық жасырын сипатқа ие. Отбасылық-тұрмыстық зорлық-зомбылықтан жапа шеккендер көрген қорлығын жариялағысы келмейді. Олар көбінесе полицияға шағымданбайды", – деді Алексей Милюк.
Оның айтуынша, отбасылық-тұрмыстық зорлық-зомбылықты көбінесе
мас адамдар жасайды. Олардың 80% ға жуығының тұрақты жұмысы болмайды.
"Тұрмыстық зорлық-зомбылыққа қарсы күрестің күштік әдісін белсенді қолдану отбасылық қатынастағы шиеленіс деңгейін арттыруға және ажырасу көрсеткішінің жоғарылауына ықпал етеді. Бір 1-4 жыл аралығында ғана некеде тұрғандардың саны 14 700 адамды құрап отыр. Былтыр 2 300 жұп 1 жыл тұрмай ажырасып кеткен. Мұндай жағдай толық емес және аз қамтылған отбасы санын арттырып, алимент төлемеу сияқты әлеуметтік мәселе туындатады. Министрлік халықтың әлеуметтік-экономикалық мәселесін шешуге бағытталған репрессиялық бағыттағы шараларды өзгерту бойынша белсенді жұмыс атқарып жатыр. Біздің ойымызша, құқық бұзушылармен де, зорлық-зомбылық құрбандарымен де кешенді оңалту және психо-түзету жұмысын жандандыру қажет", – деді Алексей Милюк.
Қанат Махамбет
Atameken Business Telegram каналына жазылып, маңызды ақпараттардан бірінші болып құлағдар болыңыз !
