Қазақстандық триатлоншы Рамазан Әйнегов Сенегалдың Дакарда қаласында өтіп жатқан IV жазғы жасөспірімдер Олимпиадасының қола жүлдегері атанды, деп хабарлайды inbusiness.kz сайты.
Отандасымыз жарыс қашықтығын 53 минут 27 секундта еңсерді. Ол жапониялық Дайки Нисидзакимен бірдей уақытта мәреге жетіп, үшінші орынды өзара бөлісті. Екеуі де жеңімпаздан 14 секундқа қалып қойды.
Португалиялық Артур Гашпар 53 минут 13 секунд нәтижесімен алтын медаль иеленсе, Люксембург өкілі Эмиль Ванолст 53 минут 23 секундта мәреге жетіп, күміс жүлдеге қол жеткізді.
Осылайша, Қазақстан құрамасының жасөспірімдер Олимпиадасындағы медаль саны екіге жетті. Бұған дейін дзюдошы Фатима Сұпығалиева 52 келіге дейінгі салмақта алтын медаль жеңіп алған болатын.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
