Қазақстан құрамасының өкілі Рита Бакишева Аичи–Нагояда (Жапония) өтіп жатқан 2026 жылғы Азия ойындарында виртуалды таеквондодан қола медаль жеңіп алды, деп хабарлайды inbusiness.kz сайты.
Қазақстандық спортшы жарысты 1/8 финалдан бастап, бұл кезеңде Иордания өкілі Мухаммад Аль-Адарбиді жеңді. Ширек финалда Үндістан спортшысы Кашиш Маликтен басым түсіп, жартылай финалға жолдама алды.
Финалға шығу үшін өткен жекпе-жекте Рита Бакишева Филиппин өкілі Джус Габриэль Дерик Яппен кездесті. Қазақстандық спортшы 0:2 есебімен жеңіліп, қола жүлдеге ие болды.
Айта кетейік, виртуалды таеквондо Азия ойындарының бағдарламасына алғаш рет енгізілді. Жарыс VR технологиясы арқылы өтеді. Спортшылардың қимыл-қозғалысын арнайы датчиктер тіркеп, виртуалды кеңістікке көшіреді. Бұл ретте қарсыластар арасында тікелей физикалық байланыс болмайды.
