Кәсіби бокс әлемінде қаржылық мүмкіндігі өте жоғары жаңа ірі промоушен пайда болды. UFC-дің бас компаниясы TKO Group Holdings-пен бірлесіп құрылған Zuffa Boxing жобасы Сауд Арабиясының тікелей қаржылай қолдауына ие. Жаңа промоушен таяуда алғашқы бокс кешін өткізуді жоспарлап отыр.
Дебюттік турнир 23 қаңтарда АҚШ-тың Лас-Вегас қаласындағы UFC Apex аренасында өтеді. Ал келесі күні осы қаладағы T-Mobile Arena спорт кешенінде UFC 324: Гэтжи – Пимблетт турнирі ұйымдастырылады.
Zuffa Boxing-тің нарыққа шығуы кәсіби бокс саласында күштердің қайта бөлінуіне айтарлықтай әсер етуі мүмкін. Өйткені ұзақ уақыт бойы қаржылық және медиа қолдауы жоғары жаңа деңгейдегі промоушендер болмаған еді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
