Алдын ала мәлімет бойынша, Сауд Арабиясының Эр-Рияд қаласындағы Король Халид атындағы халықаралық әуежайға жасалған шабуылдан қаза тапқандар мен зардап шеккендердің арасында Қазақстан азаматтары жоқ.
Сауд Арабиясының Азаматтық авиация басқармасының мәліметінше, шабуыл салдарынан 12 адам қаза тауып, тағы 309 адам жарақат алған.
Қаза тапқандардың арасында Сауд Арабиясының 4 азаматы мен Бангладештің 2 азаматы бар. Сондай-ақ, АҚШ, Мысыр, Иордания, Сирия, Палестина және Судан азаматтары көз жұмған. Зардап шеккендердің кейбірінің жағдайы ауыр.
Бұған дейін шабуылға жауапкершілікті Йемендегі хуситтер өз мойнына алғаны хабарланған. Алдын ала болжам бойынша, әуежайға зымыран ұшырылған. Алайда қауіп туралы ескерту жүйесі іске қосылмағаны айтылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
