Португалия құрамасы мен "Әл-Наср" шабуылшысы Криштиану Роналду Аргентина құрамасы және "Интер Майами" футболшысы Лионель Мессиге әкесінің қайтыс болуына байланысты көңіл айтты, деп хабарлайды inbusiness.kz сайты.
Мессидің әкесі Хорхе Месси ұзақ уақытқа созылған аурудан кейін 7 тамыз күні 69 жасқа қараған шағында қайтыс болды. Осыдан кейін аргентиналық футболшы әлеуметтік желіде әкесіне арнап жазба жариялады.
Роналду сол жазбаның астына Мессиге қолдау білдіріп: "Осы қиын сәтте сені және жақындарыңды құшақтаймын, Лео. Бекем бол!", – деп жазды.
Айта кетейік, Лионель Месси 9 тамыз күні Лионель Аргентинаның Росарио қаласында әкесі Хорхе Мессиді ақтық сапарға шығарып салды. Оған марқұмның ең жақын туыстары мен отбасының достары ғана қатысты.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
