Испанияның Линарес қаласында әйелдер арасындағы шахматтан 2025 жылғы командалық әлем чемпионаты аяқталды. Жарыстың бас жүлдесін FIDE Team жеңіп алды. Ал Қазақстан құрамасы 4-орынға ие болды.
18–23 қараша аралығында өткен чемпионатқа 12 команда қатысты. Финалда FIDE Team екі матчта да Әзербайжанды ұтып, чемпион атанды.
3-орын үшін матчта Қазақстан Қытайға 0–4 есебімен жол берді. Бірінші матчта Бибісара Асаубаева мен Ксения Балабаева сәтсіз ойнады. Ал екінші матчта шахматшыларымыз өз мүмкіндіктерін пайдалана алмай, матч қытайлықтардың пайдасына шешілді.
Айта кетейік, әлем чемпионатында Қазақстан құрамасы сапынан Бибісара Асаубаева, Меруерт Камалиденова, Лия Құрманғалиева, Ксения Балабаева, Зарина Нұрғалиева, Елназ Қалиахмет өнер көрсетті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
