АҚШ президенті Дональд Трамп Оңтүстік Кореямен әскери жаттығуларды қысқартатынын мәлімдеді, деп хабарлайды inbusiness.kz сайты BILD-ке сілтеме жасап.
"Солтүстік Корея басшысы Ким Чен Ынмен қарым-қатынасым өте жақсы болғандықтан, кезінде АҚШ-тың Оңтүстік Кореямен бірлескен әскери жаттығулар өткізуге келіскеніне көңілім толмайды", – деп жазды Ақ үй басшысы.
Оның пікірінше, АҚШ пен Оңтүстік Кореяның бірлескен әскери жаттығулары Вашингтонға қымбатқа түсіп қана қоймай, Пхеньянға қажетсіз "дұшпандық сигнал" жібереді. Трамп Ким Чен Ынның өзі Ақ үйде болған кезеңде Солтүстік Корея тарапынан ешқандай қауіп болмағанын және Пхеньянның "құрметпен әрекет еткенін" атап өтті. Сонымен қатар ол Сеулдың Вашингтонды Иранды ядролық қарусыздандыру мәселесінде қолдамағанын сынға алды.
АҚШ пен Оңтүстік Кореяның бірлескен әскери жаттығулары 18 тамызда басталып, 27 тамызға дейін жалғасады. Сеул оқу-жаттығулардың мақсаты қорғаныс қабілетін күшейту екенін алға тартты.
