"Астана" футбол клубы нигериялық шабуылшы Джеффри Чинедуды ресейлік "Крылья Советов" клубына сатты.
Чинедудың қазақстандық клубпен келісімшарты 2026 жылдың маусым айына дейін жасалған еді. Сондықтан ресейлік клуб елордалық командаға 540 мың еуро көлемінде өтемақы төледі.
28 жастағы нигериялық шабуылшы өткен аптада өзіне жіберілген ұзақ мерзімді келісімшартқа қол қойып үлгерген. Самаралық клуб Чинедуды команданың шабуыл шебін күшейтетін басты ойыншы ретінде көріп отыр.
Айта кетейік, Чинеду "Астана" сапында 2024 жылдан бері өнер көрсетті. Осы уақыт аралығында шабуылшы 54 матч өткізіп, 27 гол соғып, 4 нәтижелі пас берді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
