Олар Солтүстік Ирактағы рәсім кезінде өз еркімен қаруын тастаған.
Мұндай ақпаратты Түркияның Halk TV және күрдтердің Rudaw арнасы хабарлап отыр.
Еске салайық, Күрдістанның жұмысшы партиясына Түркияда тыйым салынған.
– Біз мұнда Күрдістанның жұмысшы партиясының көшбасшысы Абдулла Оджаланның 2025 жылдың 19 маусымындағы үндеуіне орай келдік. Сондай-ақ, біздің келуімізге КЖП-ның 5-7 мамырда өткен 12-ші Съезінің шешімі де негіз болды. Біз бүгін қаруды өз еркімізбен жойып отырмыз. Біздің бұл қадамымыз халқымызға, әсіресе әйелдер мен жастарға, Түркия мен Таяу Шығыс халқына, жалпы адамзатқа пайдасын тигізеді деген үміттеміз, – деп мысал келтірді қос телеарна партияның мәлімдемесін.
Сонымен қатар, КПЖ өңірлік және әлемдік державаларды халқының заңды, демократиялық құқығын сыйлауға және бейбіт, демократиялық реттеу процесін қолдауға шақырды.
