Янник Синнер мансабындағы жаңа тарихи межені бағындырды. Ол Уимблдон-2025 турнирінің финалында испаниялық Карлос Алькарасты төрт сетте ұтып, алғаш рет аталмыш жарыстың чемпионы атанды. Есеп – 4:6, 6:4, 6:4, 6:4.
Бұл Синнер үшін "Үлкен дулыға" сериясындағы төртінші титул. Чемпиондықпен қатар ол 3 миллион 510 мың еуро көлемінде сыйақы алып, ATP рейтингінде 2000 ұпайға ие болды.
Ал Карлос Алькарас бұл жолы 2-орынмен шектелді. Ол турнирден 1 миллион 778 мың 400 еуро табыс тауып, 1300 рейтингтік ұпаймен шектелді.
Айта кетейік, Алькарас Уимблдонда соңғы екі жыл қатарынан жеңіске жеткен болатын. Өткен жылы ол финалда Новак Джоковичті ұтқан еді – 6:2, 6:2, 7:6. 2023 жылғы турнирде де Алькарас қарсылас шақ келтірмей, титулды еншілеген. Биылғы жарыста қатарынан үшінші жеңісті көздегенімен, оны Синнер тоқтатты.
