Қазақстандық балуан Жәмила Бақбергенова Астанада өтіп жатқан күрестен әлем чемпионатында жартылай финалға жолдама алды, деп хабарлайды inbusiness.kz сайты.
Әйелдер күресінен 72 келіге дейінгі салмақта сынға түсіп жатқан отандасымыз ширек финалда Украина өкілі Надия Соколовскамен белдесті.
Жәмила қарсыласынан 9:1 есебімен басым түсіп, әлем чемпионатының жартылай финалына шықты.
Енді бірнеше сағаттан соң Бақбергенова жартылай финалда Қытай палуаны Зелу Лимен күш сынасады.
Жартылай финалдар сағат 16:30-да басталады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
