Кубалық боксшы Fight Hype Youtube арнасына берген сұхбатында жоғары деңгейлі жекпе-жектерге дайын екенін мәлімдеді, деп хабарлайды inbusiness.kz сайты.
Йоэнлис Эрнандес алдағы жекпе-жектерде WBA әлем чемпионы Эрисланди Лара, WBC әлем чемпионы Карлос Адамес немесе WBO әлем чемпионы қазақстандық Жәнібек Әлімханұлы сияқты қарсыластарының болуы мүмкін екенін атап өтті. Сондай-ақ, ол IBF чемпионымен жұдырықтасуды да жоспарлайтынын айтты.
– Егер бізге мүмкіндік берілсе, біз Әлімханұлын қоса алғанда, кез келген чемпионмен жекпе-жекке шығуға дайынбыз, – дейді спортшы.
Айта кетерлігі, Йоэнлис Эрнандес кәсіпқой рингке 2022 жылы келіп, 9 жекпе-жек өткізіп, барлығында жеңіске жеткен.
Спортшы Куба құрамасы сапында 2021 жылы және 2023 жылғы әлем чемпиноны атанған.
