Қазақстандықтардың сүйікті сусыны шайдың бағасы бір жылда 30,4 пайызға қымбаттады. Статистика комитетінің мәліметтеріне сенсек, ақпанның 20 мен наурыздың 18 аралығында бұл өнімнің құны 2 пайызға Атырауда, 1,5 пайызға Өскеменде өсіп, Алматыда 1,3 пайызға арзандаған. Осыны ескергенде, қара шайдың ел нарығындағы орташа құны 2837 теңгеге теңесіп отыр. Ал республикамыздың әр қаласында бағалар әлбетте әр түрлі. Дегенмен, сала мамандары баға алдағы уақытта тұрақты болады деп отыр.
