Ақтаудағы жаңадан бой көтерген шағын ауданда тұратын 200-ден астам отбасы жаз бойы ауыз суға жарымай келеді. Анда-санда берілітін судың қысымы төмен. Тұрғындар үлгергенінше ыдыстарға құйып алады. Ал жетпегенін көліктермен тасып ішеді. Азаматтар осы мәселені айтып қала әкімдігіне де, тиісті коммуналдық мекемелерге де арызданған. Бірақ мәселе түйіні шешілер емес.
