Бұл уақытта Алматының бас санитары Айзат Молдақасымова «дәрігерлерге» деп бөлінген 33 миллион теңгені қисынсыз үлестірген! Нақтырақ айтқанда, қыруар қаржыдан өзіне және тіпті жұмыстан босап қалғандарға сыйақы тағайындап отырған. Алматыдағы жекеменшік емхананың балалар дәрігері әрі қоғам белсендісі Қайырғалы Көнеев әлеуметтік желіде осындай мәлімдеме жасады. Әу баста ешқандай пікір білдірмеген Айзат Молдақасымова кейіннен жазбаша түрде жауап берді.
